Paper 03
မြန်မာနိုင်ငံရှိ ထေရဝါဒ ဗုဒ္ဓဘာသာဝင်များ၏ LGBT များအပေါ် အမြင်များကို ဗုဒ္ဓစာပေ အခြေပြု၍ ထေရဝါဒရှုထောင့်မှ လေ့လာခြင်း
ဤစာတမ်းသည် မြန်မာ့လူ့အဖွဲ့ အစည်းအတွင်း LGBT များအပေါ် ခွဲခြားဆက်ဆံမှုများနှင့် အယူအဆ အလွဲများရှိနေခြင်းကို အခြေခံ၍ မြန်မာနိုင်ငံရှိ ထေရဝါဒဗုဒ္ဓဘာသာဝင်များ၏ အမြင်များနှင့် ဗုဒ္ဓစာ ပေလာ အယူအဆများအကြား တူညီမှု ရှိ၊ မရှိ ဆန်းစစ်ရန် ရည်ရွယ်ပြုလုပ်ထား ပါသည်။ သုတေသန နည်းလမ်းအနေဖြင့် အရေအတွက်နှင့် အရည်အသွေး (Mixed Methods) ပေါင်းစပ် အသုံးပြုထား၍၊ ရဟန်းတော်များ၊ အမျိုးသား၊ အမျိုးသမီး နှင့် LGBT စုစုပေါင်း (၁၆၁) ဦးကို အွန်လိုင်း စစ်တမ်းကောက် ယူခြင်းနှင့် ရဟန်းတော်၊ အမျိုးသား၊ အမျိုးသမီးနှင့် LGBT စုစုပေါင်း(၄၀) ဦးကို နောက်ဆက်တွဲလူတွေ့ အင်တာဗျူးမေးမြန်းခြင်းများ ပြုလုပ်၍ အချက်အလက်များ စုဆောင်းခဲ့ပါသည်။ လေ့လာတွေ့ရှိ ချက်များအရ ဗုဒ္ဓဘာသာဝင် အများစုသည် သာသနာ့ဘောင်ဝင်ခွင့် ကန့်သတ် ချက်များနှင့် အတိတ်ကံ အပေါ် ယုံကြည်လက်ခံမှုများတွင် ဗုဒ္ဓစာပေနှင့် ထေရဝါဒ ဗုဒ္ဓဘာသာဝင်များ၏ အမြင်သည် တူညီမှုရှိ သော်လည်း၊ လက်တွေ့ လူမှုပတ်ဝန်းကျင်၌ ဆက်ဆံနေသည့် အပြုအမူများ တွင်လည်းကောင်း ဗုဒ္ဓစာ ပေလာ အယူအဆများနှင့် လူတို့၏ အမြင်များအကြား တူညီမှုမရှိဘဲ ကွာဟချက်များ ရှိနေသေးကြောင်း သုတေသနရလဒ်များအဖြစ် တွေ့ရှိရပါသည်။ အချုပ်အားဖြင့် ဗုဒ္ဓအဆုံးအမတရားများအရ လူတစ်ဦး၏ တန်ဖိုးသည် လိင်အမျိုးအစားပေါ် မူတည်ခြင်းမရှိသော်လည်း လက်တွေ့တွင် အသိပညာ အားနည်းမှုနှင့် ရှေးရိုးအစွဲများကြောင့် ခွဲခြားမှုများရှိနေသေးကြောင်း ကောက်ချက်ချပါသည်။ ထို့ကြောင့် ငြိမ်းချမ်း၍ ခွဲခြားဆက်ဆံမှုကင်းသော လူ့အဖွဲ့အစည်းဖြစ်လာစေရန် သံဃာတော်များ၊ မီဒီယာများနှင့် ပညာရေး ကဏ္ဍတို့မှ မှန်ကန်သော အသိပညာပေးမှုများ ပြုလုပ်ရန်နှင့် LGBT များကိုယ်တိုင်ကလည်း လူမှုပတ်ဝန်း ကျင်နှင့် လိုက်လျောညီထွေစွာ နေထိုင်ရန် လိုအပ်ကြောင်း ဤစာတမ်းဖြင့် လေ့လာတင် ပြထားပါသည်။