Paper 12
သက္ကောတိ နု ခေါ သီလဝတိလိင်္ဂံ အရဟတ္တင်္ဂုဏံ ဓာရေတုံ၊ ဥဒါဟု နော
ဣဒံ အဓုနော ဥပ္ပန္နံ ပဏ္ဏကံ “သီလဝတိလိင်္ဂံ အရဟတ္တံ ဓာရေတုံ သက္ကောတီ”တိ ဝိဿဇ္ဇနံ ဥဒ္ဓရိတွာ သီလဝတီနံ အရဟတ္တဂုဏဓာရဏေ သမတ္ထဘာဝံ ပကာသိတုံ အဟောသိ။ မိလိန္ဒပဉှေ “လိင်္ဂဒုဗ္ဗလတာယ အရဟတ္တံ ပတ္တော ဂိဟီ တသ္မိံယေဝ ဒိဝသော ပဗ္ဗဇတိ ဝါ ပရိနိဗ္ဗာယတိ ဝါ”တိ ဝုတ္တံ။ တံ နိဿာယ ကေစိ “သီလဝတိလိင်္ဂံ ဂိဟိလိင်္ဂေန သဒိသတ္တာ အရဟတ္တံ ဓာရေတုံ န သက္ကောတီ”တိ ဝဒန္တိ၊ အပရေ ပန “ပဗ္ဗဇိတလိင်္ဂေန သဒိသတ္တာ သက္ကောတီ”တိ။ တေသံ ဝိသမဒဿနံ ဥပ္ပဇ္ဇိ၊ ဣမသ္မိံ ပဏ္ဏကေ “ကိံ နု ခေါ သီလဝတိလိင်္ဂံ အရဟတ္တံ ဓာရေတုံ သက္ကောတီ”တိ ပဉှော ပိဋကာယတ္တဂန္တေသု အာဂတေဟိ ဥဒါဟရဏေဟိ ဝီမံသိတော။ ဝီမံသိတေ ပန ဧဝမဓိပ္ပါယော ဘဝေယျ “ယသ္မာ သီလဝတီလိင်္ဂံ ပဏီတံ၊ ယသ္မာ ဝါ သီလဝတီနံ ဝိဝေကဋ္ဌာနံ အတ္ထိ၊ တသ္မာ သီလဝတိလိင်္ဂံ အရဟတ္တံ ဓာရေတုံ သက္ကောတီ”တိ။